adalet.az header logo
  • Bakı 13°C
01 Iyun 2023 16:44
580
ƏDƏBİYYAT

“Atalıq hissini bəxş edən...”- Şəhid pilotun xanımından maraqlı şeir...

Şəhid pilotumuz, polkovnik-leytenant Rəşad Atakişiyevin həyat yoldaşı Könül Hüseynova 1 iyul Uşaqların Beynəlxalq Müdafiəsi günündə maraqlı paylaşım edib. Könül xanım övladlarıyla birlikdə fotosunu paylaşaraq “Oğlum” adlı şeirini oxuculara təqdim edib:

“OĞLUM”
    
Övlad eşqi ilə yanıb-çırpınan, 
Bu kövrək qəlbimin ahəngi oğlum, 
Məni bu həyatda xoşbəxt eyləyən, 
Atalıq hissini bəxş edən, oğlum. 

Mən sənlə yetəcəm amallarıma, 
Sevgin, məhəbbətin qanadım olsun. 
Mən sənə baxanda ata gözüylə, 
Atamı yaşadan, oğlum, sən oldun. 

Sipər tək durmuşam sənin arxanda, 
Qoymaram sevincin payız, qış olsun,
Mən sənə baharı, yazı verərəm, 
Təbəssümün daim al günəş olsun. 

Həyatım, gümanım, övladım!
Sənə sonsuzdur mənim etimadım.
Gələcəyimə işıq saçan sən ol, 
Ata adını yaşat, övladım. 

Müəllif: Könül Hüseynova”. 

Qeyd edək ki, şəhid polkovnik -leytenant Rəşad Atakişiyev 24 iyul 2019-cu ildə xidməti vəzifəsini yerinə yetirərkən şəhid olub.

Vasif Əlihüseyn