Almaniyada xəstəxanaya düşən Fəxrəddin Manafov: “Hər şey qaydasındadır”
Ötən günlərdə yerli mətbuatda Azərbaycanın xalq artisti , tanınmış aktyor Fəxrəddin Manafovun Almaniyada xəstəxanaya yerləşdirildiyi barədə xəbər yayılmışdı. Qeyd edilmişdi ki, aktyor bu haqda geniş danışmaq istəmir.
Modern.azsaytının əməkdaşı aktyorun səhhətini öyrənmək üçün onunla əlaqə yaradıb.
Fəxrəddin Manafov əməkdaşımızla qısa söhbəti zamanı vəziyyətinin yaxşı olduğunu deyib:
"Səhhətimlə əlaqəli hər şey qaydasındadır. Hər kəsə təşəkkür edirəm”.
Qeyd edək ki, Fəxrəddin Manafov 2 avqust 1955-ci ildə Xankəndidə anadan olub. 1975-1980-ci illərdə M.Əliyev adına Azərbaycan Dövlət İncəsənət İnstitutunda təhsil alıb. 1971-1974-cü illərdə A.M.Şərifzadə adına Aktyor evində kinomexanik, 1976-1978-ci illərdə Tədris teatrında aktyor kimi fəaliyyət göstərib. 1989-1993-cü illərdə "Yuğ" Dövlət teatrında aktyor işləyib. 1977-ci ildən bu günədək Cəfər Cabbarlı adına "Azərbaycanfilm" kinostudiyasında aktyor kimi filmlərə çəkilir.
1987-ci ildə Azərbaycan SSR-nin əməkdar artisti, 2000-ci ildə isə Azərbaycanın xalq artisti fəxri adlarına layiq görülüb. 2006-cı ildən Azərbaycan Respublikası Prezidentinin fərdi təqaüdçüsüdür.
Digər Xəbərlər
29 Aprel 2024 14:57
İstanbul Su Yolu üzərində memarlıq möcüzələri: İkonik Boğaziçi malikanələrini kəşf edin!
29 Aprel 2024 12:31Azərbaycanda ilk dəfə Milli Xalça Festivalı keçiriləcək
29 Aprel 2024 11:52İranın mədəniyyət naziri Azərbaycana gələcək
27 Aprel 2024 16:23Xankəndidəki yeni royal heç vaxt kökdən düşməyəcək - VİDEO
26 Aprel 2024 17:33