Avropa İttifaqı Ukrayna Milli Antikorrupsiya Bürosu (NABU) və İxtisaslaşdırılmış Korrupsiyaya Qarşı Mübarizə Prokurorluğu (SAPO) ilə bağlı yaranmış vəziyyətlə əlaqədar Ukraynaya maliyyə yardımının göstərilməsinə “pauza verib”.

Adalet.az xəbər verir ki, bu barədə Ukraynanın “Ekonomichna Pravda” nəşri məlumat yayıb.

"Vəziyyət düzələnə qədər hər şeyə fasilə verilib", - nəşr yazıb. 

Qeyd olunur ki, bu, ERA proqramı (dondurulmuş Rusiya aktivlərindən istifadə etməklə təcili kreditləşdirmə proqramı) çərçivəsində ilin sonuna qədər 17,2 milyard avro, Ukrayna Mexanizmi proqramı kontekstində isə 12,5 milyard avro məbləğində yardımdan gedir.