adalet.az header logo
  • Bakı 14°C
  • USD 1.7
31 Mart 2023 18:38
835
İDMAN

Acun Ilıcalı yeni futbol klubu alır

İngiltərə çempionatında çıxış edən "Hall Siti"nin sahibi Acun Ilıcalının Avropadan daha bir komanda almağa hazırlaşdığı iddia edilib.

İrlandiya mətbuatından LMFM-nin xəbərinə görə, Acun Ilıcalı İrlandiyanın Premyer Liqa komandası Dundalk FC-ni almaq üçün danışıqlar aparır. Acun Ilıcalının Dundalk FK-nı almağı və gənc futbolçulara bu komandada oynamaq şansı verməyi planlaşdırdığı bildirilib.

O, İrlandiya Premyer Liqasının ikinci həftəsində “Bohemians” – “Dundalk FC” matçını tribunadan izləyərkən görüntülənib. Acun Ilıcalı ilə Dundalk FK arasında aparılan danışıqlarda razılıq əldə olunmayıb.

Fanatikin İngiltərə mətbuatından topladığı xəbərə görə isə Acun Ilıcalının İrlandiya Liqası komandalarından olan "Şelburn"u almağı planlaşdırdığı qeyd edilib.

Acun Ilıcalının "Şelburn" - "Atletik" matçını tribunadan izlədiyi də vurğulanıb. Acun Ilıcalının bir müddət əvvəl “Şelburn FK” klubunun səhmlərini almaq istədiyi bildirilib.

Shelbourne FC hazırda İrlandiya Liqasında 5-ci yerdədir. Məşhur iş adamının almaq istədiyi klubun məşqçisi "Çelsi"nin keçmiş futbolçularından Damien Daffdır.

 

Emin