Xislətləri ilə harda olurlarsa, olsunlar, orada bir  pislik, qarmaqarışıq durum, insanları bezdirən, zəhləsini tökən, onların həyatına səhhətinə əzab verməkdən həzz duyan ermənilərin bu dəfə iç üzləri ABŞ-da açılıb. 

Adalet.az xəbər verir ki, Ermənistana məxsus Tert.am xəbər verir ki, Los-Ancelesdə 13 nəfər həbs edilib.
ABC 7 telekanalının məlumatına görə, onlar qətldə və böyük miqyaslı dələduzluqda, həmçinin "Amazon" şirkətindən 83 milyon dollar dəyərində onlayn çatdırılma mallarını oğurlamaqda ittiham olunurlar.
Los-Anceles dairə prokuroru Bilal Essailinin ofisinin məlumatına görə, "Amazon" şirkətindən oğurluq əməllərini ermənilərin də daxil olduğu və “rus mafiyası ilə əlaqəsi olan” transmilli cinayət şəbəkəsi törədib.
Təhlükəsizlik qüvvələri xüsusi əməliyyat keçirərək Los-Ancelesin ətrafında yerləşən San Valli məntəqəsindəki binaya basqın ediblər. Saxlanılanlardan təxminən 100 min dollar, üç zirehli maşın və odlu silahlar müsadirə edilib.

Təqsirləndirilən Ara Artuni ilə ətrafı “Amazon”da kuryer kimi çalışıblar və yükləri oğurlayıblar. Bundan əlavə, saxta şirkətlərin adına kredit kartları açaraq pul oğurlayıblar. Sonra quldur dəstəsinin üzvləri arasında çəkişmə başlanıb.
Artuni Robert Amiryanın qətlə yetirilməsini sifariş verməkdə ittiham olunur. O, öz növbəsində, Artuniyə yaxın adamlarının oğurlanması və işgəncələrinin təşkilində ittiham olunur.

Saxlanılan şəxsləri (Artuni və Amiryan, həmçinin Vahan Arutyunyan, Levon Arakelyan və İvan Bohorkes) 10 ildən ömürlük həbsə qədər cəzalar gözləyir.

Əntiqə Rəşid