Kremlin sözçüsü Dmitri Peskov Rusiya ilə Ukrayna arasında davam edən danışıqlarla bağlı yeni açıqlama verib.

Adalet.az-ın məlumatın görə, o bildirib ki, iki ölkə arasında danışıqların üçüncü raundunun bu həftə ərzində dəqiqləşməsi gözlənilir. Peskovun sözlərinə görə, "İstanbulda əldə olunan razılaşmaların həyata keçirilməsi prosesi davam edir" və bu istiqamətdə irəliləyişlərin olduğu qeyd olunub.

Hazırda danışıqların məzmunu və formatı ilə bağlı əlavə təfərrüatlar açıqlanmasa da, tərəflər arasında diplomatik təmasların intensivləşdiyi vurğulanır. Rusiya tərəfi danışıqların nəticəverməsini istədiyini, lakin bunun Ukraynanın mövqeyindən də asılı olduğunu bildirir.