Teleqram fərdi tövsiyələri özündə əks etdirən xəbər lenti əlavə edə bilər.

Adalet.az xarici KİV-ə istinadən xəbər verir ki, messencerin macOS üçün nəzərdə tutulmuş beta versiyasının kodunda bu yeni funksionallıqla bağlı izlərə rast gəlinib.

Lent iki bölməyə ayrılacaq: “Əlavə edilmiş” və “Sizin üçün”. Birinci bölmə istifadəçilərin özləri tərəfindən seçilmiş məzmundan, ikinci bölmə isə tövsiyələrdən ibarət olacaq.

Məlumata görə, lentə axtarış funksiyası, yeni paylaşımlar üçün sayğac, yeniləmək məqsədilə aşağı çəkmə imkanı və oxunma statusu göstəriciləri daxil ediləcək. Həmçinin qeyd edilir ki, lentdən birbaşa konkret paylaşıma, kanala və ya söhbətə keçid etmək mümkün olacaq.