“İslamabadda gözlənilən ikinci raund danışıqlarında İran tərəfi iştirakda tərəddüd edir. ABŞ prezidenti xüsusi nümayəndəsi Uitkof və kürəkəni Kuşner Pakistana səfər edib. İran ABŞ-dən Hörmüz boğazında blokadanı qaldırılmasını tələb edir”.

Adalet.az xəbər verir ki, bunu politoloq Məhəmməd Əsədullazadə deyib. 

Onun sözlərinə görə, ikinci raund danışıqları baş tutarsa, ABŞ blokadanı aradan qaldıra bilər:

“İslamabad danışıqlarina İran qatılmasa danışıqlardan yayınan tərəf kimi qəbul ediləcək. Artıq D. Tramp yenidən İranın elektrik və strateji yol infrastrukturunun vuracağı ilə hədələyib.D.Trampın bu ultimatumu Tehran tərəfindən ciddi qəbul edilir. İslamabaffa iştirak etmək üçün Pakistan İranla sıx danışıqlar aparır. İran danışıqlardan imtina edərsə, İsrail hücum etməyə hazırdır. Yeni hücum dalğası İran üçün daha da dağıdıcı ola bilər. İslamabadda danışıqlar prosesi baş tutarsa, müəyyən razılaşmalar əldə edilə bilər”.

Vasif ƏLİHÜSEYN