“İran məsələsini məntiqi nə idi? Hörmüzdə ikiqat boğazbağlama oyunundan sonra bir çox yanaşmalarda ABŞ prezidenti Tramp ələ salındı. Məsxərə obyektinə çevrildi. Dəqiqədə bir dəyişkən mövqe göstərdi, dünən bir, bu gün iki deyib özünü təkzib etdi. Amma qalib gəldiyini iddia edən İran da bu durumda qaldı. İran qalib gəlmir. O, parçalanıb dağılır”. 

Adalet.az xəbər verir ki, bunu politoloq Əziz Əlibəyli deyib. 

Politoloq bildirib ki, İrana dair hökm sürən baxış tamamilə əksinə çevrildi:

“Bizə deyirlər ki, Tehran Körfəzdə iradə göstərir və müharibədə qalib gəlir. Amma deyən azdır ki, Donald Trump dünyanın ən həssas boğazını təhlükəyə ataraq qumar oynayır və bunun ən böyük "udar"ı İrana dəyir. Əslində isə İran gücünü möhkəmləndirmir - o, geriləməni idarə etməyə çalışır. Əsas məsələ isə bundadır: Trumpın Hörmüz boğazı ilə bağlı gedişi enerji bazarlarını sakitcə məcbur edib ki, təhlükəsizliyi yenidən qiymətləndirsin. Tarazlığı qəti şəkildə Amerikaların xeyrinə, Avropa, Asiya və Çindən uzağa doğru dəyişdirsin. İslam Respublikası artıq inamlı inqilabi bir layihəyə oxşamır. Köhnə ruhani elitası darmadağın olub, hakimiyyət iki düşərgə arasında parçalanıb: biri xaricilərlə razılaşmanı yeganə xilas yolu kimi görür, digəri isə silahı, himayə şəbəkələri və çox real qorxusu olan İslam İnqilabı Keşikçiləri Korpusudur (SEPAH). Onlar bilirlər ki, hər hansı real razılaşma nəticədə onları kənara atacaq”.

Vasif ƏLİHÜSEYN