Heç kimə sirr deyil ki, bu gün çoxlu sayda insan mənzil, avtomobil və digər  daşınan və daşınmaz əmlak alanda  banklardan kredit götürürlər! Əlbəttə,  hər bir insanın evi, maşını olmalıdır. Amma gərək bunu kreditlə alanda dərindən düşünəsən!

Yəni bankalardan  aldığın krediti müqavilədə göstərilən müddətdə geri qaytarasan! Çox təəssüf ki, bəzi adamlar kredit alarkən  el dilində demiş olsaq " yorğanına görə ayaqların uzatmırlar". Yəni o pulu qaytarmaq imkanları olmadığı halda belə  kredit götürürlər.Mən dəfələrlə yol polisinin keçirdiyi reydlərdə belə hadisələrin şahidi olmuşam.

Belə ki, reyd zamanı bank əməkdaşları  da tədbirdə iştirak edib və kreditini  verməyən sürücülər postda  saxlanılaraq  avtomobillər onlardan  alınıb. O reyddə on avtomobil borcu olan insanlardan bank əməkdaşları tərəfindən  alındı!Eləcə də mənzil alanlar bu gün krediti uzun müddət vermədiyinə görə, evlər banklar tərəfindən onlardan alınır. Bəziləri kredit borlarını verə bilməyəndə intihar etməyi çıxış yolu sayır. Amma bu da problemin həlli yolu deyil.

Çünki qanunda deyilir ki, kredit götürən ölərsə, həmin pul onların ailə üzvlərindən tutulur. Ona görə də bütün vətəndaşlar banklardan kredit götürərkən diqqətli olmalı, əgər o pulu qaytarmaq üçün imkanları yoxsa , yükün altına görməməlidirlər. Yəni bu ağır borcu ailə üzvlərinin üzərinə atılmamalıdırlar!!!

Emil FAİQOĞLU