Bakıda təşkil olunan FIFA U-15 dünya çempionatında Azərbaycan millisi bu gün növbəti oyunlarını keçirəcək.

Adalet.az xəbər verir ki, Famil Xəlilovun başçılıq etdiyi komanda günün ilk matçında İsraillə, son görüşdə isə Haiti seçməsi ilə qarşılaşacaq. Oyunlar müvafiq olaraq, saat 11:30-da və 18:15-də başlayacaq. Hər iki qarşılaşma Hövsan Yarış Kompleksinin 10A meydançasında olacaq.

Qeyd edək ki, AF qrupunda yer alan Azərbaycan millisi 3 oyundan sonra 6 xalla Haiti ilə birlikdə 2-3-cü yerləri bölüşdürür.

Dünya çempionatına oktyabrın 30-da yekun vurulacaq.