"Onlarla bizə müracitə edən işdən çıxarılan, ixtisara salınan və yaxud məqsədli şəkildə töhmət verilib işdən uzaqlaşdırılan insanların hansısa hüquqlarını müdafiə edərkən praktikada bunun qarşılığını almaq mümkün olmur".

Adalet.az xəbər verir ki, bunu Milli Məclisin bu gün keçirilən iclasında deputat Fazil Mustafa deyib. O bildirib ki, bir çox hallarda heç bir əsas gətirmədən insanlar müəyyən qurumlarda baş verən neqativ hallarla bağlı məlumat verdikləri üçün cəzalandırılır.

"Biz burada daha çox işəgötürənin məsuliyyəti üzərində durmalıyıq. Haqsız kiməsə töhmət veribsə, inzibati tənbeh tədbiri görübsə, onun məsluyyəti məsələsi önəm daşıyır".