Fransa prezidenti Emmanuel Makronla iranlı həmkarı Məsud Pezeşkian arasında telefon danışığı olub. 

Adalet.az xəbər verir ki, bu barədə Makron özünün X hesabında yazıb.

Telefon danışığı zamanı Makron Tehranı ballistik və nüvə məsələlərini həll etmək üçün danışıqlar masasına qayıtmağa və AEBA-nın İrandakı işini bərpa etməyə çağırıb.

Makron həmçinin Tehranı İsraillə atəşkəsə hörmətlə yanaşmağa və regionda sülhün bərpasına kömək etməyə çağırıb.

O, Fransa vətəndaşları Sesi Kohler və Jak Parisin azadlığa buraxılmasına və Fransa vətəndaşlarının və İrandakı obyektlərinin qorunmasına çağırdığını bildirib.