Hazırda həbsdə aclıq aksiyası keçirən Gürcüstanın keçmiş prezidenti Mixail Saakaşvili tibbi yardım və prosedurlardan tamamilə imtina edib.

Adalet.az axar.az-a istinadən xəbər verir ki, bu barədə ukraynalı həkim Maksim Perebiynis deyib.

Onun sözlərinə görə, Saakaşvilini müayinə etməsinə icazə verməyiblər, sadəcə şüşə arakəsmədən ünsiyyətə şərait yaradılıb:

"Cəzaçəkmə müəssisəsinin rəhbərliyi Saakaşvilinin mülki xəstəxanaya keçirilməsi ilə bağlı hüquqi yardımdan imtina edərək, onun həbsxana klinikasında yerləşdirilməsində israrlıdır. Belə olan halda Saakaşvili də bildirdi ki, bu gündən tibbi yardımdan imtina edir. O, analiz və tibbi prosedurladan keçməyəcək".