SİZ HEÇ BELƏ ANEKDOT EŞİTMƏMİŞDİNİZ
Bir ingilis, bir fransız və bir azərbaycanlı təyyarə qəzası nəticəsində Afrikada düşürlər bir adamyeyən qəbiləyə. Qəbilə başçısı belə bir şərt qoyur: ya pul verəcəksiniz sizi buraxacağıq, ya bir kisə soğan yeyəcəksiniz, azadsınız, ya da dalınıza əlli şallaq vuracağıq, ondan sonra xoş getdiniz.
İngilis dərhal istənilən məbləğdə pul verir və minir bir qayıqa çıxıb gedir.
Fransız deyir ki, dalıma o qədər vurublar ki, əlli şallaq nədir?
Fransızı soyundurub bağlayırlar bir ağaca, əlli şalaq vururlar, ona da bir qayıq verirlər gedir.
Azərbaycanlı deyir ki, bir kisə soğan nədir ki, verin yeyim.
Gözü yaşara-yaşara 3-4 kilo soğan yeyir, görür day getmir, deyir:
- Məni şallaqlayın.
Onu da soyundurub bağlayırlar ağaca, başlayırlar şallaqlamağa. Şallağın sayı 30-a çatanda yalvara-yalvara deyir:
- Dayanın, deyin görüm nə qədər pul verməliyəm?
İndi Mədəniyyət Nazirliyində tutulan korrupsionerlər də yarım meşok soğan yeyib, sonra şallaqlanırlar və sonra da deyirlər ki, dayanın, gətirək pulu verək. Belə-belə işlər.