BELƏ ADAM HEÇ MÜƏLLİMLİYƏ YARAMIR, NƏİNKİ DİREKTORLUĞA
Jurnalist Elşad Məmmədli Baş Prokurorun yanında Korrupsiyaya Qarşı Mübarizə İdarəsinin rəisinə sosial şəbəkədə bir müraciət ünvanlayıb. Həmin müraciəti bizim sayt da paylaşıb. Müraciəti mən də oxudum. Söhbət Göyçay Peşə liseyinin 1 iyunadək direktoru olmuş Qabil Zeynalovun nəinki direktor, hətta müəllim adına yaraşmayan hərəkətindən gedir. Hələ bu şəxs Peşə liseyinə rəhbər vəzifəsinə gələnədək 3 saylı məktəbin direktoru olub. Onun bütün başqa hərəkətlərini qoyuram qırağa, yalnız bir məsələ məni maraqlandırır. Məhlədə futbol oynayan uşaqları hədələyir, sonra da onların əlindən topu alıb bıçaqla partladır, küçə söyüşləri ilə təhqir edir, özü də sərxoş vəziyyətdə.
Bu yəqin ki, onun birinci hərəkəti deyil. Belə bir şəxsi necə olub ki ,böyük bir məktəbə, sonra da böyük bir liseyə direktor təyin ediblər. Onun rəhbərlik etdiyi təhsil ocaqlarındakı uşaqlar və gənclər ondan nə nümunə götürə bilərlər?
Görün təhsil naziri övladlarımızın tərbiyəsini kimə və kimlərə həvalə edir.