Rusiya Federal Təhlükəsizlik Xidməti 21 regionda silah qaçaqmalçılığına qarşı geniş  əməliyyat keçirib. Verilən məlumatlara görə,  əməliyyat zamanı 222 pulemyot, tapança, həmçinin arteleriya mərmiləri və qumbaralar ələ keçirilib.
 

" Rusiya Daxili İşlər Nazirliyi və Rosqvardiyanın birgə keçirdiyi əməliyyat zamanı 21 subyekdən 55 nəfərin cinayət fəaliyyətinin qarşısı alınıb. 27 gizli silah-sursat hazırlayan sex aşkarlanıb"- deyə FTX -nın məlumatında bildirilir.
 

Əməliyyat paytaxt Moskvadan başlayaraq Voloqodsk və Pskovsk vilayətlərində, həmçinin İnquşetiya, Qaraçayev -Çerkeziyada və Primorye, Xabarovsk vilayətlərində keçirilib.
 

Rusiya Federasiyasının təhlükəsizlik xidməti bu cür əməliyyatları mütamadi olaraq həyata keçirir. Hələ mart ayında ölkənin 28 regionunda 250-dən artıq silah, fevral ayında isə 20 subyekdən 200-ə yaxın ağır və yengül silahlar tapılmışdır.
 

Bir tərəfində gün çıxanda, digər tərəfində gün batan,  böyük əraziləri idarə etməyə gücü çatmayan bir dövləti idarə etmək doğrudan da çox çətindir.
  
Rüstəm Hacıyev