"Qarabağ" son 10 ilin ən yaxşı klubları sırasında
Beynəlxalq Futbol Tarixi və Statistikaları Federasiyası son 10 ilin ən yaxşı klublarının siyahısını açıqlayıb.
Adalet.az xəbər verir ki, 2011-2020-ci ilin nəticələrini əhatə edən siyahıda 140 klub yer alıb.
Azərbaycandan siyahıda yalnız “Qarabağ” klubu var. Ağdam təmsilçisi 1149,5 xalla 98-ci yerdə qərarlaşıb.
Qeyd edək ki, Ağdam təmsilçisi siyahıda ÇSKA (Moskva, Rusiya), “Atalanta” (İtaliya), “Qalatasaray” (Türkiyə), “Monako”, “Lill” (hər ikisi Fransa), “Everton” (İngiltərə) kimi klubları qabaqlayır.