Seneqalda müxalif lider Usman Sonkonun azadlığa buraxılması tələbilə keçirilən etirazlarda ən az yeddi nəfər həlak olub.

TASS məlumat verir ki, ölkənin iri şəhərlərində keçirilən aksiyalar zamanı iştirakçıılar polis məntəqələrini yandırıb, hökumət binalarında dağıntılar törədiblər.

Diaoba şəhərində dövlət mərkəzinə hücum zamanı 17 yaşlı gənc güllələnib. Bundan sonra etirazçılar polis məntəqəsinə od vurublar.

Digər şəhərlər də daxil olmaqla, 6 polis idarəsinin dağıdıldığı bildirilir.

Xatırladaq ki, Seneqalda iğtişaşlar martın 3-də, müxalifət liderinin həbsindən dərhal sonra başlayıb və artıq bir neçə gündür ki, davam edir.