İranda son sutka ərazində koronavirusa 8010 nəfər yoluxub, 93 pasiyent dünyasını dəyişib.

Bu barədə İranın Səhiyyə Nazirliyinin mətbuat katibi Sima Səadət Lari bildirib.

Onun sözlərinə görə, ölkə üzrə koronavirusa yoluxanların ümumi sayı 1 689 692, ölənlərin sayı isə 60 687-yə çatıb.

Hazırda xüsusi xəstəxanalarda müalicə alan 3795 xəstənin vəziyyəti ağırdır. İndiyədək 1 442 198 xəstə sağalaraq evə buraxılıb.