Rusiya MOİK-inin sabiq baş məşqçisi Valeri Qazzayev Azərbaycan millisinin qapıçılar üzrə məşqçisi Dmitri Kramarenkonun Moskva klubunda fəaliyyətə başlaması barədə Matç TV-yə müsahibə verib.

V.Qazzayev qeyd edib ki, D.Kramarenkonu əla qapıçı kimi çox yaxşı tanıyır: 

"Onun atası Sergey Kramarenko da dahi qapıçı olub. “Neftçi"nin heyətində SSRİ çempionatının bürünc medallarını qazanıb. Həmin vaxt Bakıda mükəmməl komanda var idi”.

Mütəxəssis Kramarenkonun həm Azərbaycan millisi, həm də MOİK-də işləməsinin mümkünlüyü ilə bağlı suala da aydınlıq gətirib: 

“Necə qərar verəcəklər, elə də olacaq. Amma fikrimcə, məsələn, Kramarenko bir həftəlik millinin düşərgəsinə yollansa, bu, problem olmayacaq. Həmin vaxt MOİK-in futbolçuları da öz yığmalarında olacaqlar”.