adalet.az header logo
  • Bakı 11°C
  • USD 1.7
08 Yanvar 2021 09:20
30895
İQTİSADİYYAT
A- A+

Füzulidə yeni hava limanının olması Azərbaycan iqtisadiyyatının artım tempini yüksəldəcək

Füzulidə yeni hava limanının tikintisi və açılışı Azərbaycan iqtisadiyyatının artım tempinin yüksəlməsinə təsir edəcək.

Bunu Trend-ə Qafqaz İqtisadi Analiz Mərkəzinin direktoru Əhməd Əlili deyib.

Onun sözlərinə görə, Azərbaycanın məhz Qarabağda turizm sektorunun inkişafı üzrə böyük planları var:

“Füzulidə yeni hava limanı ilk növbədə ölkənin turizm sektorunun inkişafına təsir edəcək. Azərbaycanın turizm potensialı kifayət qədər yüksəkdir və Qarabağda yeni turizm mərkəzlərinin açılması ölkə üçün faydalı olacaq”.

O əlavə edib ki, turizm potensialı ilə yanaşı, Qarabağ həm də zəngin təbii ehtiyatlara malikdir və metallurgiya sənayesinin mərkəzinə çevrilə bilər:

“İnkişafın indiki mərhələsində Avropa ölkələri, İran, Rusiya, Türkiyə tərəfindən investisiyaların cəlb edilməsi məqsədəuyğundur. Xarici investisiyalar bütün ölkələrin diqqətini regionun geoiqtisadiyyatına yönəldəcək. Hökumət regionun inkişafında beynəlxalq korporasiyaların da iştirak etməsində maraqlıdır”.