Əbülfət MƏDƏTOĞLU: ÖZÜNƏ DÖNÜŞ
"Bir qadına..." silsiləsindən
Üfürmə - şamdı yanan -
Pərvanəsi girovdu...
Ağırlığından sınan -
Kirpikdəki qırovdu...
Yanaqdakı duz izi -
Ağ cığırdı, ağ yoldu...
Həsrətin boş gilizi -
Yaralanmış "sağ ol"-du...
Ətrafımdakı sükut -
O, əslində ilğımdı...
Dolub, qaralmış bulud -
Şimşəkdən də çılğındı...
... Bu şamı üfürməyə -
Cəhd etmə , özü sönür...
Heç nə itmir, sən demə -
Hər şey özünə dönür!