adalet.az header logo
  • Bakı 14°C
  • USD 1.7
23 Oktyabr 2020 14:25
29555
ELM VƏ TƏHSİL
A- A+

Rumıniya Universitetində Dağlıq Qarabağdakı vəziyyət mövzusunda tədbir keçirilib

Bu həftə  Rumıniyanın Aleksandr İoano Kuza Universitetində Dağlıq Qarabağdakı vəziyyət mövzusunda görüş keçirilib. Azərbaycan multikulturalizmi kursu çərçivəsində baş tutan görüşdə universitetin professorları, müəllim və tələbə heyəti iştirak edib. 

Əvvəlcə, Rumıniyanın Aleksandr İoano Kuza Universitetində Azərbaycan mültikulturalizmi fənnini  tədris edən professor Lüdmila Bejenaru universitet rəhbərliyinə və tələbələrə Azərbaycandakı mövcud vəziyyətdən, eləcə də, 27 sentyabr 2020-ci il tarixindən ölkəmizdə davam edən müharibə, işğal olunmuş torpaqlarımız və Ermənistan-Azərbaycan Dağlıq Qarabağ münaqişəsi barədə ətraflı məlumat verib. Daha sonra Dağlıq Qarabağda son günlər yaşananlar görüş iştirakçıları tərəfindən  müzakirə olunub. Çıxış edənlər Dağlıq Qarabağdakı mövcud vəziyyətlə bağlı Azərbaycanın ağrısına şərik olduqlarını, eyni zamanda, ölkəmizin mövqeyini və ərazi bütövlüyünü dəstəklədiklərini vurğulayıblar. Görüş iştirakçıların sülh və əmin-amanlıq diləkləri ilə yekunlaşıb. 

Qeyd edək ki, Rumıniyanın Aleksandr İoano Kuza Universitetində Azərbaycan mültikulturalizmi fənni Bakı Beynəlxalq Multikulturalizm Mərkəzi ilə universitet arasında 2019-cu ilin mayında əldə edilən razılaşma əsasında tədris olunur.