Yoluxan şagirdlərin heç də hamısı məktəbə gəlməyib. Məktəbə gəlmiş şagirdlərin təxminən 25 faizi məktəbdə yoluxub

Adalet.az xəbər verir ki, bunu Təhsil naziri Emin Əmrullayev bu gün keçirilən brifinqdə deyib. Onun sözlərinə görə, bir sinifdə 4-5 şagirdin xəstələnməsi və valideynlərini xəstələndirməsi halı olmayıb.

“Müəllimlər bağlı vəziyyət başqadır. Bir neçə məktəbdə müəllimlər arasında yoluxmaya rast gəlinib. Bakı, Sumqayıt şəhərləri və Abşeron rayonu ərazisində məktəblər daha riskli görsənir. Çox kiçik kəndlərdə də yoluxma ola bilər. Ən birinci bağlanan məktəb elə Quba rayonunun Qanqam kənd məktəbi idi. Virus hər yerdədir. Hansı coğrafi yerdə yaşamağımızdan asılı olmayaraq diqqətli olmalıyıq”.