BÜTÜN BEYNƏLXALQ TƏŞKİLATLAR TUMANLARINI BAŞLARINA KEÇİRİB
Azərbaycanın bütün cəbhə boyu həyata keçirdiyi əks-hücumla Ermənistan ordusunu geri oturtması və torpaqlarımızı geri qaytarması beynəlxalq təşkilatları çox bərk narahat edib. Hamısı bəyanat verir ki, döyüşləri saxlayaq və danışıq stolu arxasında oturaq.
Əvvəla, 27 ildir danışırıq və danışmaqdan çənəmiz ağrıyır.
İkincisi, Ermənistan ordusu Azərbaycan xalqının dinc əhalisini qıranda, soyqırım törədəndə harda sülənirdiniz, niyə səsiniz çıxmırdı? Eləcə də Qarabağ ərazisində deyil, Tovuzla sərhəd bölgəsində kəndlərimizi atəşə tutanda niyə bir bəyanat vermirdiniz ki, Ermənistan, atəşi saxla?
İndi bizim zəfər yürüşlərimizi görüb tumanınızı başınıza keçirirsiniz.
Təkcə iki gündə rəsmi məlumata görə, Azərbaycanın 6 nəfər dinc əhalisi həlak olub, 19 nəfər yaralanıb, onlarla evə də zərər dəyib və sair və ilaxır.
Ən pisi bu oldu ki, ATƏT-in harınlamış həmsədrləri belə getsə, ac qalacaq.