Ağır xəstə olan Qarabağ qazisinin hesabına pul keçirəcəyini deyən Ramindən DƏLƏDUZLUQ
Erməni terror qrupları yurdumuza hücum edərkən, sadə vətəndaşlarımıza qarşı qətillər törədərkən ilk ayağa qalxan silaha sarılan igid oğullarımız oldu. Onlar ömürlərinin ən gözəl dövrlərini-gəncliyini düşmənlə müharibəyə sərf etdilər, sağlamlıqlarını itiriblər. Bütün ömrlərini şikəst olaraq, yarımcanları ilə başa vurmaq məcburiyyətindədirlər. Buna görə də, xalqımız hər zaman belə oğullara minnətdardır.
Amma bəzən elə insanlar olur ki, vətən uğrunda canını fəda etmiş belə igidləri incidir, onların çarəsiz durumundan istifadə edərək erməniyə məxsus xislətlərini ortaya qoyur.
Bu gün Azərbaycanın Milli Qəhrəmanı Asif Məhərrəmov (Fred Asif) adına İnkişaf Fondunun sədri, II dərəcəli qazi Ədalət Məhərrəmov Adalet.az redaksiyasına gələrək hər kəsdə dərin təəssüf hissi yaradacaq bir məlumatı bizimlə bölüşdü.
Ə. Məhərrəmov bildirdi ki, Qarabağ qazisi Aris Məmmədovun səhhətində böyük problemlər aşkar edildi. Müayinələr üçün onu Türkiyənin Gülhanə hospitalına göndərilməsi məsləhət görüldü. Təbii ki, orda müayinə olunmağa Arisin maddi imkanı çatırmadı. Qazinin döyüş dostları, silahdaşları yığışıb həmin məbləği təşkil etdi. Buna görə, Qarabağ Müharibəsi Əlilləri, Veteranları və Şəhid Ailələri Ictimai Birliyini sədri Mehdi Mehdiyevə və Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənliyə xüsusi təşəkkurümü bildirirəm.
Ötən gün A. Məmmədovun telefonuna özünü Ramin adı ilə təqdim edən ( +994 55 732 45 15 tel. nömrəsi ilə zəng vurub və hazırda həmin nömrə aktiv deyil.) bir şəxs ondan hesab nömrəsini və kartını istəyib. Qazimiz onu dost insan hesab edərək hər iki hesab nömrəsini verib. Ramin həmin kartlardan 17 manat çəkib və Arisin sayıqlığı nəticəsində dələduz Ramin böyük pullar çıxarmağa müvəffəq olmayıb.
Ədalət Məhərrəmov daha sonra qeyd edib ki, qazi qardaşımıza qarşı olan bu dələduzluq olayı, xəstənin pulunun oğrulaması hamımızı çox incitdi:” Sizin qəzet vasitəsi ilə Daxili İşlər Naziri Vilayət Eyvazov cənablarına müraciət edirik: Cənab Nazir, saxtakar Raminin tapılıb cəzalandırılmasını Sizdən xahiş edirik!”
Qeyd edək ki, Qarabağ Müharibəsi Əlilləri, Veteranları və Şəhid Ailələri İctimai Birliyinin (QMƏVŞAİB) sədr müavini Ariz Məmmədov hazırda ağır mədə xərçəngindən əziyyət çəkir və Gülhanədə müalicə alır.
Əntiqə Rəşid