adalet.az header logo
  • Bakı 13°C
  • USD 1.7
10 Sentyabr 2020 09:36
61338
ƏDƏBİYYAT
A- A+

Əbülfət Mədətoğlu: Bir daşın nağılı

"Özümdən özümə" silsiləsindən

Bir daş atıb yaddaşına illərin
Çiliklənən günü , anı aradım...
Talehimin bəbəyində süslənib -
Kipriyimdən axan qanı aradım...

Zaman , zaman cadarlayan köç yolun
Xəyal atım büdrəmədən ağartdı...
Sarılmadan qabarlayan əl -qolun-
Açır mənə həsrət adlı ağ atlı!

Ləpələnib , dalğalanır qəm gölü
Üzü gülür kədər geymiş dalğıcın...
Yeyir, səssiz pas daxili, nəm çolü -
Kimdi sənin ay ümidim, baxıcın?!

Öz sualım öz qapımda keşikçi
Dindirəni olmasa da, susmur o.
Nə soruşmur bu talehi kim seçdi -
Nə də yaddaş itgisindən küsmür o...

...Bir daş. atıb səksəndirdim zamanı
Necə gəldi əritmişdim mən onu...
Sovururaraq indi dənsiz samanı -
Nağıl kimi yaşayıram bu sonu...