adalet.az header logo
  • Bakı 9°C
  • USD 1.7

MAŞINLAR ŞƏHƏRƏ ÇIXA BİLƏR, YA BİLMƏZ? - Əzizə İsmayılova yazır

ƏZİZƏ İSMAYILOVA
57680 | 2020-03-30 10:00

Qurumlar arasında kommunikasiya sıfır. DİN-in rəsmisi hələ 2 gün əvvəl açıqlama verir, Operativ Qərargah məlumat verir ki, nəqliyyat necə işləməlidir.(profilimdə də, saytlarda da qərar var. DİN-dən şəxsən aldığım münasibəti detallarına kimi yazmışam )

Bu gün Vaqif Əsədov çıxır, illərdir konstruksiyasına belə dəyişiklik etmədiyi standart cümlələri bildiyi və ya öz başa düşdüyü kimi dəyişib deyir, bütün saytlar portallar da tirajlayır,

Sonra yenidən zəng vurursan DİN-ə, Qərargaha ki, "axı dünən belə demişdiniz, indi necə oldu ki, nəqliyyatın hərəkətinə kamera ilə cərimə yazası oldunuz? Necə müəyyən ediləcək nömrə ilə kim vacib çölə çıxıb kim yox? Axı qərarda belə tələb yoxdur"

Hamısı deyir, "biz belə qərar və göstəriş verməmişik", aradan 1 saat keçir ya keçmir, Əsədovun dediklərini xəbər edən saytlar, portallar yazdıqları kimi də xəbəri silirlər.. Bəziləri də mətni redaktə edir. "Məsləhət edirik, tövsiyə veririk, sürücülərə izah edirik, filan" kimi..

Soruşsan, Əsədov da deyəcək, "mən elə söz deməmişəm. Səhv yazıblar"..

Yəni, bu dərəcədə səriştəli, müntəzəm və zəncirvari iş görürük. Virusla mübarizə aparırıq, tipa. Yaz, sil. Sil, sonra yenə yazarsan.

Nəqliyyatın hərəkətinə Bakı, Abşeron, Sumqayıt ərazisində heç bir məhdudiyyət qoyulmayıb, nə şəxsi, nə avtobus. Qadağa şəhərLƏRarası nəqliyyata qoyulub - DİN və Operativ Qərargah...

ŞəhərLƏRarası deyəndə, rayon və bölgələrdən gələn nəqliyyat nəzərdə tutulur, şəhərin içindəki yox...

Əminəm aydın oldu...

P,S, Bir məsələ də var, maskasız, əlcəksizlərin 100 manat cərmələnməsi məsələsi, onu da əlavə yazacam. Səbrli olun..


TƏQVİM / ARXİV