Bakı 17°C
Əbülfət MƏDƏTOĞLU: TƏKLİF...
Neynirsən nişan alıb,
Necə atsan dəyəcək...
Ağlım güllədə qalıb -
Dəyib, məni əyəcək!..
Boş ver qayğı yükünü,
Xurcun etmə çiyninə.
Daraqdakı tükünü -
Gətirmə heç eyninə...
Ürəyinin odunu
Ruhuna havadar et...
Unut, onun adını -
Görmə, ya üstündən get!
Çırp daşa əsəb kimi
Yad nə varsa içində...
Bitsin qoy əzab kimi -
Həyat , mənim üçün də!
... Neynirsən nişan alıb,
At, əlində nə varsa...
Dəyəcək, təki qorxma ,
Məni, sən qan aparsa...
