adalet.az header logo
  • Bakı 14°C
  • USD 1.7
05 Dekabr 2019 16:06
41486
DÜNYA
A- A+

Altun: “Türkiyənin sərhədləri NATO-nun sərhədləridir”

Adalet.az xəbər verir ki, bu sözləri Türkiyə Prezident Administrasiyasının İçtimaiyyətlə Əlaqələr İdarəsinin rəhbəri Fəxrəddin Altun Londonda təşkil edilən NATO Zirvəsindən sonra "twitter” səhifəsində qeyd edib.

F.Altun həmçinin bildirib ki, birdən çox beynəlxalq terror qrupu tərəfindən qarşı-qarşıya olduğumuz təhdidlər NATO-ya qarşı da təhdid hesab edilməlidir: "Bir terror təşkilatının tanınması kimi sadə bir məsələdə eyni tərəfdə olmalıyıq. Bəzi müttəfiqlərimiz uşaqlara silah verən, etnik təmizləmə həyata keçirən, sivilləri yurdlarını tərk etməyə məcbur edən bir terror təşkilatına dəstək verərək onun təbliğatını aparıb və legitimləşdirib.”

Fəxrəddin Altun qeyd edib ki, PKK/YPG olduğu kimi, yəni cinayətkar bir terror təşkilatı, regional və beynəlxalq təhlükəsizlik üçün bir təhdid kimi qəbul edilməlidir: "Sülh Çeşməsi əməliyyatımız nəticəsində 400 minə yaxın suriyalı ölkəsinə qayıdıb. Hərbi əməliyyatlarımız təkcə terrorla mübarizə məqsədi daşımır, eyni zamanda suriyalıların təhlükəsiz bir şəkildə geri qayıtması üçün şərait yaradır və bölgədə təhlükəsizliyi təmin edir”, - deyə bildirib.