Abdal Qasım bəyin evinin yanından keçəndə eşşəyinə bir-iki çubuq vurub deyir:

- Toş, toş, ay bəy, toş, toş.

Bunu eşidən bəyin nökərləri tökülüb Qasımı döyürlər.

Qasım üst-başının torpağını çırpa-çırpa yenə eşşəyinə bir-iki çubuq vurub deyir:

- Toş, toş, ay çoxqohumlu bəxtəvər, toş, toş.

İndi baxıram bəzi çoxqohumlu bəxtəvərlərin qohum-əqrəbası tökülüb sosial şəbəkədə hansısa bir ziyalını xıncım-xıncım edirlər.

Tanrım, bizləri çoxqohumlu bəxtəvərlərdən qoru!