"Yeraltı" serialının çəkilişlərinə başlamazdan əvvəl aktyor heyəti ilə keçirilən görüşdə çəkilən fotolar müzakirələrə səbəb olub.

Adalet.az xəbər verir ki, ekran işində baş rolları oynayan gənc aktyorlar rahat oturacaqlarda əyləşdiyi halda, illərdir bu sektorda tanınan Muhammed Cangören, Sefa Zengin və Ekrem Tamerin adi stollarda oturması birmənalı qarşılanmayıb. Sosial mediada yayılan şəkillərdə baş rol ifaçılarının qarşısında çay, su və şirniyyat olması da diqqətdən yayınmayıb. Lakin qocaman aktyorların önündə heç nə olmayıb. 

İzləyicilər serialın prodüserlərinin bu hərəkətini "hörmətsizlik" adlandırıblar.

Qeyd edək ki, ekran işinin baş rolları Devrim Özkan, Uraz Kayqılaroğlu və Deniz Can Aktaşa həvalə edilib.