Ukrayna Rusiyaya liderlərin görüşünə qədər atəşkəs təklif edir, çünki əgər müvafiq deeskalasiya addımlarını görərsə, o zaman atəşkəs rejimi ABŞ-nin vasitəçilik təminatları ilə davam edəcək.

Adalet.az Ukrayna KİV-lərinə istinadla xəbər verir ki, bunu Ukrayna Prezidenti Vladimir Zelenski bildirib.

"Tərəfdaşlar dəstəkləyə bilərlər, lakin biz Rusiya tərəfinə liderlərin görüşünə qədər atəşkəs təklif edirik", - deyə o qeyd edib.

Onun sözlərinə görə, Ukrayna bazar ertəsindən etibarən istənilən gün görüş təklif edir.

"Niyə liderlərin görüşünə qədər atəşkəs? Çünki biz görüşəcəyik, əgər heç bir anlaşma yoxdursa, bunun necə bitəcəyi ilə bağlı istək və baxışlar yoxdursa, atəşkəs elə həmin gün bitəcək. Əgər biz dialoqun davam etdirilə biləcəyini və müvafiq deeskalasiya addımlarına hazır olduğumuzu görəriksə, o zaman ABŞ vasitəçilik təminatları ilə atəşkəs rejimini davam etdirəcəyik", - deyə prezident izah edib.