Ukrayna Silahlı Qüvvələrinin tərəfində döyüşən xüsusi hərbi əməliyyat zonasında azı 92 ABŞ muzdlusu həlak olub.

Adalet.az xəbər verir ki, bu barədə "The New York Times" qəzeti mənbələrə istinadən yazıb. 

Nəşrin məlumatına görə, Ukrayna ordusunda “bir neçə min” amerikalı xidmət edib.

"2022-ci ildən könüllü orduya qoşulan amerikalıların sayına dair müstəqil hesablamalar mindən çoxdur. Ukrayna ordusu rəqəmlər dərc etmir", - nəşr yazır.

ABŞ-dən olan könüllülərin müxtəlif motivləri də qeyd olunub, bəziləri qəzetin yazdığı kimi, Ukraynaya "azadlıq uğrunda mübarizə aparmaq", digərləri isə "pul qazanmaq" məqsədilə  müharibəyə üz tutub.