İran ordusu “bütün gücü ilə” İsrailə hücum edəcək və onu “məhv edəcək”. 

Adalet.az xəbər verir ki, bunu İranın ali dini lideri Ayətullah Əli Xamenei xalqa müraciətində deyib. 

"İranın silahlı qüvvələri var güclə hərəkət edəcək və alçaq sionist rejimini məhv edəcək. Sionist rejim bu cinayətdən sağ-salamat xilas olmayacaq. İran xalqı əmin ola bilər ki, bu məsələdə heç bir güzəşt olmayacaq", - Xamenei deyib.

Xamenei xalqa müraciətində İsrailin İrana hücumlarını da cinayət kimi qiymətləndirib və yəhudi dövlətinin “acı və dəhşətli taleyi”ni proqnozlaşdırıb.