Gürcüstanda narkomaniyaya qarşı keçirilən genişmiqyaslı əməliyyat nəticəsində 142 nəfər saxlanılıb.

Adalet.az xəbər verir ki, bu barədə ölkənin Daxili İşlər Nazirliyi məlumat yayıb.

Bildirilib ki, saxlanılan şəxslərin arasında həm Gürcüstan, həm də xarici ölkə vətəndaşları var. Onlardan müxtəlif adlarda külli miqdarda narkotik vasitələr, həmçinin narkotiklərin qablaşdırılması üçün materiallar, elektron tərəzilər, narkotiklərin qanunsuz satışından əldə edildiyi ehtimal olunan pul vəsaiti, qanunsuz əldə edilmiş odlu silahlar və döyüş sursatları götürülüb.