Elə bir gün olmur ki, ölkəmizdə giməsə bıçaqlanma  nəticəsində ölməsin. Bu hadisələrin çoxu  mübahisə zəminində baş verir. Bir - birilə sözləri düz gəlməyən, mübahisə edən və sonradan dava edən insanlar sonda bıçağa əl  atırlar.

Əgər onları heç olmasa biri səbrli olsa, belə qanlı hadisə baş verməz! Özü də bəzi hallarda bir-birini bıçaqlayanlar yaxın dost olur, yeyib-içir , sözləri çəpləşir və sonda kiməsə bıçağa əl atır! Onun da sonu ölümlə bitir. Hətta yeniyetmələr və məktəbli uşaqlar belə  həmin hadisələrin qurbanına çevrilir. Bəs cəmiyyət və aidiyyəti qurumlar niyə susur??? Bu qəbildən baş verən cinayətlərin qarşısı necə alınmalıdır? Heç şübhəsiz ki, aidiyyəti qurumlar  belə kriminal hadisələrdən çıxış yolları axtarır.

Ən azından yeniyetmələrin və məktəblilərin, eləcə də digər insanların mütəmadi maarifləndirilməsinə böyük ehtiyac var! Mən bu yazını qələmə alan anda " Xəzər" televiziyasının xəbərlər proqramında xəbər verildi ki, Tovuzda bıçaqlanma hadisəsi baş verib.Münaqişədə üç nəfər iştirak edib. Mübahisə zəminində dava düşüb, bir nəfər bıçaqlanaraq öldürürülüb.Heç odlu silahla ölkəmizdə   belə hadisələrin yarısı qədər cinayətlər baş vermir.

Ona görə də bir daha aidiyyəti qurumlar bıçaqlanma ilə bağlı cıddi araşdırma aparmalı, bu kriminal olayların  baş verməsinin obyektiv və subyektiv səbəbləri üzə çıxarılmalı, daha doğrusu, həmin cinayətlərin törənmə səbəbləri tezliklə aradan qaldırılmalıdır! Və kimlərsə , hansısa cahilin qurbanı olmamalıdır!!!

Emil FAİQOĞLU