İlahi, mən  adlı  bəndə
Sığışmır  şəhərə, kəndə...
Hər  şeyi  görürsən  sən də -
Sonuncu  sözü  kim  desin?!.

Dağdan  daşmı  hellənəcək
Gözdən  yaşmı  sellənəcək?!.
Kim  sonacan  yellənəcək -
Bir  az  da "DÖZ"-ü  kim  desin?!.

Sevdiyim  Ruhun  özüdü
Odu, ocağı, közüdü!
Bu  ki, elə  O,  özüdü  -
Tay  başqa  ÖZÜ, kim  desin?!.

Nə  qaldı  məni öyməyə  
Bir  yol  ver  geri  dönməyə!..
Canda  həvəsi  sönməyə -
Qoyma,  bu  közü  kim  desin?!.

Əbülfət  SƏNƏ  səcdədə!
Bu  ki, ən ALİ  Həc, dədə!
Getmirəm, qalmıram... nədə -
İlişdim,  çöz!-ü  kim  desin...