Tarixi 5 min olan virus

Kembric Universitetinin genetikləri qədim herpes virusunun bir neçə növünün genomunu rekonstruksiya edə və virusun təkamülünü öyrənə biliblər.

Adalet.az universitetin rəsmi saytına istinadən xəbər verir ki, araşdırma çərçivəsində alimlər eramızın III-XVII əsrlərində Avrasiyanın müxtəlif bölgələrində yaşamış qədim insanların 3 min diş nümunəsini tədqiq ediblər.

Alimlər Perm diyarının Nevolino kəndi yaxınlığında, təxminən 1500-1700 il əvvəl yaşamış qədim insanın qalıqlarından HSV-1 virusunun genomunun fraqmentlərini çıxarmağa nail olublar. Onu tədqiq edərkən, tədqiqatçılar herpes virusunun bütün mövcud növlərinin 4,68-5,65 min il əvvəl ortaya çıxan bir qədim ştamla əlaqəli olduğunu müəyyən ediblər.

Tədqiqatçıların fikrincə, bu patogen virusun digər variantlarını tez bir zamanda əvəz edib. Bu, o dövrdə öpüşmə adətinin insanlar arasında aktiv şəkildə yayılmağa başlaması ilə əlaqədar ola bilər. Sonrakı qazıntılar və insan qalıqlarının tədqiqi bu fərziyyəni yoxlamağa kömək edəcək.

Eminquey