“Mərkəzi Asiya liderləri 15-16 noyabr tarixlərində Daşkənddə Dövlət Başçılarının yeddinci Məşvərət iclası üçün görüşüblər və razılığa gəliblər ki, Azərbaycan bundan sonra tamhüquqlu üzv kimi iştirak edəcək. Yəni, C5-i C6-ya çevriləcək və rəsmi olaraq "Mərkəzi Asiya Birliyi"nə yol açılır. Əvvəlcə 2018-ci ildə sərhədlər, su və təhlükəsizlik üzrə siyasi dialoq və etimadın qurulması üçün yaradılmış forumun mandatı hazırda iqtisadi inteqrasiya, təhlükəsizlik, ətraf mühit əməkdaşlığı, dəhliz və rəqəmsal idarəetməyə qədər genişləndirilir”. 

Adalet.az xəbər verir ki, bunu politoloq Əziz Əlibəyli deyib. 

O, bildirib ki, Prezident İlham Əliyev Azərbaycanı və Mərkəzi Asiyanı vahid geosiyasi və geoiqtisadi bölgə kimi təqdim edərək, bunu Ələt limanına çıxarmaq və sadələşdirilmiş gömrük və Xəzəryanı enerji və məlumat əlaqələri daxil olmaqla, Azərbaycan vasitəsilə konkret olaraq Orta Dəhlizi inkişaf etdirməyi hədəfləyir:

“Son görüşdə Prezident Qasım-Jomart Tokayev məsləhətləşmə formatında əsaslandırılmış hərtərəfli C6 nəqliyyat strategiyası, eləcə də süni intellektdən istifadə haqqında bəyannamənin qəbulunu təklif edib. C6 eyni altı dövləti birləşdirən və Transxəzər zonada məlumat və sənəd bazaları üçün etibarlı rəqəmsallaşdırma üçün yol xəritəsi yaratmağı düşünür. (mövcud BMT SPECA formatı ilə üst-üstə düşür.) 

Politoloqun sözlərinə görə, Avropa İttifaqı öz maliyyəsinin əhəmiyyətli dərəcədə bir hissəsini Qazaxıstanda cəmləşdirməyə hazırlaşır: 

“Azərbaycan isə öz daşınma, boru kəməri və rəqəmsal kabel üstünlüklərindən istifadə edərək dəhlizun idarəetməsinə nəzarət rejimi qurmağa çalışır və artıq buna çox yaxındır. C6 indi bu Xəzər nüvəsini CKU və Trans-Əfqan dəmir yolları və yeni Türkmənbaşı ilə əlaqəli təşəbbüslər kimi alternativ marşrutlara qoşmalıdır ki, xarici layihələrdən daha çox regional prioritetlər vacub seçimlər formalaşdırsın”.

Vasif ƏLİHÜSEYN