Şəkidə 36 yaşlı qadın dərmandan zəhərlənib.

Mərkəzi Rayon Xəstəxanasından (MRX) verilən məlumata görə, rayonun Böyük Dəhnə kənd sakini, 1980-ci il təvəllüdlü Hürüyyə Ağaəli qızı Şükürova bu gün günorta saatlarında zəhərlənmə əlamətləri ilə xəstəxanaya daxil olub. Məlum olub ki, o, dərmandan zəhərlənib.

Reanimasiya şöbəsinə yerləşdirilən H. Şükürovaya lazımı tibbi yardım göstərilib, vəziyyəti orta-ağır qiymətləndirilir.

Faktla bağlı araşdırma aparılır.