“Əsas məqsəd təhsilin keyfiyyətinin artırılmasıdır” - Nazir
"Ali məktəblərdə maliyyələşdirmə mexanizminə yenidən baxmaq vaxtı çatıb. Elmi tədqiqat işlərinin aparılması üçün ayrıca maliyyələşdirmə imkanları olmalıdır. Burada əsas məqsəd tələbələrin sayının artırılması deyil, təhsilin keyfiyyətinin artırılmasıdır".
Bunu Azərbaycan təhsil naziri Mikayıl Cabbarov Azərbaycan Milli Elmlər Akademiyasının (AMEA) illik ümumi yığıncağında çıxışı zamanı deyib.
Azərbaycanın ali məktəblərində adambaşına maliyyələşdirmə mexanizminə artıq keçildiyini deyən M.Cabbarov qeyd edib ki, bu gün təhsil müəssisələrində tələbələrin sayına və keyfiyyətin artırılmasına üstünlük verilir:"Amma elmi fəaliyyətin dəstəklənməsinə yönəlmiş mexanizmlərdən məhkumuq. Alimlərin elmi tədqiqat işlərinin maliyyələşdirilməsi üçün onların ayrı imkanlara da malik olması vacibdir".
Nazir qeyd edib ki, son illərdə təhsil müəssisələrində kitabxanaların yenidən qurulmasına, xüsusilə elektron kitabxanaların yaradılmasına, tələbələrin elmi tədqiqatlara cəlb edilməsinə diqqət artırılıb:"Ali məktəblərin nəzdində texnoparkların yaradılması işlərinə başlanılıb. Düşünürəm ki, bu işləri genişləndirməliyik".
Digər Xəbərlər
20 Aprel 2024 10:36
Xınalığa dolu düşüb - FAKTİKİ HAVA
18 Aprel 2024 10:58Naxçıvanın su ehtiyatlarının həcmi açıqlandı
18 Aprel 2024 10:13Şənbə günü Bakıda iməcilik keçiriləcək
17 Aprel 2024 12:56Sabah 28° isti olacaq
17 Aprel 2024 12:24