Azərbaycan Milli Paralimpiya Komitəsi Sizin rəhbərliyiniz altında fəaliyyət göstərdiyi 20 il ərzində çox böyük işlər görmüşdür. Minlərlə insanı öz ətrafında toplayan qurum hazırda geniş bir hərəkata çevrilmişdir. Təsadüfi deyil ki, Atlanta Paralimpiya Oyunlarından bu yana idmançılarımız artan templə üst-üstə 8 qızıl, 10 gümüş, 9 bürünc medal qazanaraq ölkəmizin idman şərəfini uca tutmuşlar. İştirak etdiyi dördilliyin ilk zirvə yarışında yığma komandamız 2 idmançı ilə təmsil olunmuşdusa, bu, Sidneydə 7, Afinada 11, Pekində 18, Londonda isə 21 olmuşdur. Bundan başqa, müxtəlif növlər üzrə keçirilən dünya və Avropa çempionatlarında qazanılan nəticələrlə paralimpiyaçılarımız dünya miqyasında liderlərdən olduğunu dəfələrlə sübut etmişlər.