“Koroğlu”nun şeir dili”
"Koroğlu”nun şeir dili” monoqrafiyası nəşr olunub. Azərbaycan Milli Elmlər Akademiyasının (AMEA) Folklor İnstitutundan Adalet.az-a bildiriblər ki, nəşrin müəllifi filologiya elmləri doktoru, professor Əzizxan Tanrıverdi, redaktoru AMEA-nın müxbir üzvü Muxtar İmanovdur.
Monoqrafiyada "Koroğlu” eposunun şeir dili tədqiq edilir, ümumilikdə şeirlərin semantikasını şərtləndirən məsələlərin hər birinə münasibət bildirilir.
Eyni zamanda, "Koroğlu” dastanının "Kitabi-Dədə Qorqud”un məntiqi davamı kimi meydana gəlməsi tutarlı dil faktları ilə əsaslandırılır, şeir parçalarında rast gəlinən arxaik dil vahidləri tarixi-linqvistik müstəvidə təhlil olunur.