Bakıda ağır qəza - ölən var
Bakıda ölümlə nəticələnən yol qəzası baş verib. Adalet.az-ın məlumatına görə, hadisə Nizami rayonu Qara Qarayev prospektində ("Ruslan" marketin qarşısında) qeydə alınıb. 1955-ci il təvəllüdlü Hüseynov Asif Hidayət oğlu idarə etdiyi "Opel Vectra" markalı avtomobillə yolu keçən 1952-ci il təvəllüdlü Baxşıyev Məhəbbət Əhməd oğlunu vurub.
Nəticədə ağır xəsarət alan piyada xəstəxanaya yerləşdirilib. Həkimlərin səyinə baxmayaraq, 63 yaşlı M.Baxşıyevin həyatını xilas etmək mümkün olmayıb.