İlanların niyə ayağı yoxdur?
İlanların
niyə ayağı yoxdur? Bəlkə uşaqcasına səslənən bir sualdır, düzü bu sualı uşaq adama versə, üstünə çımxırmaq olar. Amma bu sualı verən azyaşlılar deyil, tədqiqatçı
alimlərdir. Məsələ burasındadır ki, əksər sürünənlər xırda və ya hərkətsiz də
olsa ayaqlara malikdirlər. Bu sual əsasında aparılan araşdırmalardan belə məlum
olub ki, əvvəllər düşünüldüyü kimi ilanlar suda həyata uyğunlaşmağa görə deyil,
yuva həyatına alışmaq üçün ayaqlarını itiriblər. Sual yarana bilər ki, axı o qədər
yuvada yaşayıb möhtəşəm ayaqları ilə iftixar edən heyvanlar var ki! Niyə ilan
bu zövqdən məhrum olunsun ki? Məsələ burasındadır ki, ilan yuvası elə özü kimi
dar dəliklərdən ibarət olur. Əsas qidalanma və məskunlaşma da məhz bu dəlik-yuvalar
vasitəsilə baş tutur, ona görə də rahat həyat şəraiti üçün ilanlar zamanla
ayaqlarından keçməli olublar.
Tədqiqatçılar
90 milyon il bundan qabaq yaşamış ilanın skeleti üzərində aparılmış araşdırmalar
əsasında bu qərara gəliblər. Araşdırma zamanı daxili qulağın quruluşu diqqət çəkib.
Məlum olub ki, daxili qulağın forması məhz
dəlik qazmaq üçün və bu zaman eşidilə bilən ən xırda səsləri tutmaq üçün
formalaşıb. Halbuki müasir ilanlarda daxili qulaq tamamilə başqa cür
formalaşıb.