Qırğızıstanın 6 milyonuncu sakini doğulub
Bu gün Qırğızıstanın 6 milyonuncu sakini olan qız dünyaya gəlib. Oş vilayətində yaşayan hərbçi Almaz Kojoşevin ailəsində doğulan körpənin çəkisi 3 kiloqram 870 qramdır. Yeni doğulan körpə və onun anası Raxat Belejova özlərini yaxşı hiss edirlər. Qırğızıstanın 6 milyonuncu sakini ilə təxminən eyni vaxtda 10 uşaq da doğulub.
Almazbek Atambayev 6 milyonuncu körpənin ailəsinə yeni ev hədiyyə edib və bankda onun adına 1 milyon som (təxminən 14 min dollar) həcmində depozit hesabı açılması barədə ölkənin Baş nazirinə tapşırıq verib.
Ölkə başçısı 6 milyonuncu uşağın ailəsinə teleqram vurub, xoşbəxt ata və ananı bu münasibətlə təbrik edib.