“Yerlərdə daha yaxşı qəbul olunuruq”- MÜSAHİBƏ
AXCP Etimad Qurultayı üzrə Təşkilat Komitəsinin sədri Razi Nurullayev Adalet.az-a müsahibə verib. O, müsahibəsində rəhbərlik etdiyi qurumun fəaliyyətindən, gələcək planlarından danışıb.
-Razi bəy hazırda nə kimi iş görürsünüz, bu dövr
ərzində hansı nəaliyyətlər əldə etmisiniz?
-Artıq 400
nəfərdın çox cəbhəçi bizim tərəfə keçib. Rayon təşkilatlarında konfranslar
keçirilib. O cümlədən bir çoxları ilə danışıqlar aparılır.
İşimizi
elə qurmuşuq ki, proses yalnız cəbhəçilərin bizim tərəfimizə keçməsi ilə
səciyyələnmir. Tərəfimizə keçənlərin arasında cəbhəçi olmayanlar var ki, bunlar
Azərbaycan siyasətində yeni simadırlar. Bütün bunlarla yanaşı bizə üzv olmaq
üçün gözlətdiyimiz insanlar da var. İkinci mərhələyə başlayanda artıq bugün
gözləmə mövqeyində duran və siyasi maraqları olan, özünü siyasətçi görmək
istəyənlər bizim yanımızda olacaqlar.
-Bir sıra partiyalarda keyfiyyətə yox kəmiyyətə önəm
verirlər. Sizdə vəziyyət necədir?
-Bizdə üzvlülük
üçün məhdudlaşdırıcı amillər yoxdur. Bizim digər siyasi pöartiyalardan fərqimiz
ondadır ki, hər bir yeni simaları önə çəkirik. Onları fəallaşdırırıq, meydan
veririk. Əlbətdə bizim üçün keyfiyyət daha çox maraqlıdır.
-Regionlarda vəziyyət necədir. Məsələn deyək ki. bir
sıra partiyaların Naxçıvan şöbələri yoxdur. Siz bu yöndə nə kimi iş görürsünüz?
-Yerlərdə
daha yaxşı qəbul olunuruq. Çünki, regionlardakı insanlar daha səmimidir və
siyasətə daha sağlam baxmağa meyillənirlər. O baxımdan mən hesab edirəm ki,
regionlarda işlərimiz daha yaxşı gedəcək. Əlavə olaraq Naxçıvanla bağlı onu
deyə bilərəm ki, müəyyən cəhdlərimiz olub və ola bilsin ki, Naxçıvanla bağlı
müəyyən surprizləri cəmiyyətə təqdim edə bilək. Hələlik qısa onu deyim ki,
Naxçıvanda biz güclü təşkilat qura biləcəyik.
-Surprizlər vəd edirsiniz. Bu surprizlər Əli
Kərimlinin çökəltməkdə nə kimi rol oynayacaq?
-Gördüyümüz
işlər və surprizlərimiz Əli Kərimlini çökəltməyə yönəlməyib. Bizim Əli Kərimli
adlı problemimiz yoxdur. Əli Kərimliyə qarşı mübarizə üçün yaranmamışıq. Əli
Kərimlinin siyasətdən kənara çəkilməsi vacibdir, ancaq ən böyük prioritetimiz
deyil. Məsələlər həll edilə bilər. Əli Kərimli qurultayla bağlı hər hansı
razılıq ortaya qoyarsa, sədrlikdən gedərsə o zaman qurultay keçirməyə ehtiyac
qalmaz. Bir qurultay olar. Qarşılıqlı şəkildə razılaşa bilərik ki. mən və Əli
bəy sədrlik yarışında iştirak etməsin. Təmamilə başqa bir insan sədr seçilsin.
Bununla da qarşıdurmaya son qoyula bilər. Bizim əsas prioritetimiz xalq üçün
nəsə etməkdir. Azərbaycanda yeni siyasi bir format otuşdurmaqdır. Mənə belə
gəlir ki, bəlkədə Azərbaycan
siyasətçiləri arasında bugün Razi Nurullayevin yanında olmaq siyasətə daha çox
açılmaq, tanınmaq deməkdir. Biz heç kimə paxıllıq etmədən, onun siyasi səhnədə
otruşmasına yardımçı olmağa çalışırıq. Bəlkədə bura yeganə yerdir ki, öz
tərəfdarlarımın potensialını artırmaq üçün əlimdən gələni edirəm və istəyirəm ki, ətrafımda olanlar daha çox
tanınsınlar və cəmiyyətə daha çox mesajlar verə bilsinlər.
-Digər siyasi partiyalardan sizə qoşulmaq
istəyənlər varmı?
-Bəli
olub. Ancaq biz onlara ciddi önəm verməmişik. Bəlkə də bu müəyyən inciklik
yaradıb. Biz istəmirik ki, indiki məqamda belə bir fikir yaransın ki, Razi
Nurullayev digər partiyaları da parçalamaq istəyir. Ancaq hər kəs siyasi
seçimində azad olmalıdır. Güman edirəm ki, ortaya qoyacağımız yeni siyasi
münasibətlərdə bizim partiyaya olan axını dayandırmaq mümkün olmayacaq.
-Siyasi liderlərlə münasibətiniz hansı
səviyyədədir?
-Çox
gərgin iş qrafikində işlədiyim üçün açığı bu istiqamətdə heç bir iş görməmişik.
Təmaslarımız olmayıb. Ancaq Əli Kərimlidən başqa digər siyasi liderlərlə münasibətimiz qalır.
-Onlardan sizə hər hansı təklif gəlibmi?
-Biz elə
bir mərhələdəyik ki, çoxları gözləmə mövqeyi tutur. Ancaq kifayət qədər partiya
sədri bizi müdafiə edir.
-Sizin beynəlxalq əlaqələriniz yüksək səviyyədədir.
Siz bu partiyanı xaricdə hansı səviyyədə təmsil edəcəksiniz?
-Təbii
ki, təmsil etdiyimiz partiya bütövləşəcək. Bir olacaq. Biz hüquqi təmsilçilik
alandan sonra daha ciddi işləyə biləcəyik. İndi beynəlxalq təşkilatlar da,
səfirliklərdə gözləmə mövqeyindədir. Bunun üçün də biz də onları tələsdirmək
niyyətində deyilik. Bu məsələni öz axarına buraxmışıq. Mən hesab edirəm ki,
qurultayı keçirəndən sonra açıq şəkildə görünə biləcəyik. Qurultaydan sonra
Avropa turnesinə çıxmağı planlaşdırmışam. Hardasa 15 ölkədə müxtəlif səpkidə
görüşlər keçiriləcək.
-Birləşmə deyirsiniz...
-Bu gün
məni günahlandırırlar ki, hakimiyyətin adamıyam. Bu gülünc məsələdir. Mən
onlara şans verirəm ki, mənim və hakimiyyətin oynunu pozsunlar. Onsuzda ictimai
rəydə də belə fikir var ki. köhnə simalar geri çəkilib öz yerini gənclərə
verməlidirlər. Baxın Əli Kərimlidən başqa hamı geri çəkilib. Mən də təklif
edirəm ki, Əli Kərimli geri çəkilsin. Kim deyir ki, Əli Kərimli siyasətdən
getsin? Getməsin. Sadəcə başqa bir nəfər AXCP-nin sədri olsun. O zaman bizim
fəaliyyətimizə gərək qalmayacaq.
Fəaliyyətimlə
onu göstərirəm ki, mən buna hazıram. Onlar hazır deyillər. Mən partiyanın
birliyi üçün əlimdən gələni edirəm. Üstəlik söyüş, təhqir yolu ilə bu işi
həyata keçirirlər. Biz buna qarşı kompaniya başlatmışıq. Artıq ictimai rəydə
söyüş represiyasına ciddi kampaniya gedir.
Əli Kərimli
tərafdarları söyüş və təhqir yağdırır. Söyüş və təhqirlərə özünü ziyalı sayan
Eldəniz Quliyev, İbrahim İbrahimli və onlarla digərləri şərik çıxır.
-Məhkəməyə də müraciət etmisiniz?
-Məhkəməyə müraciət etməmişik. Əgər müraciət
etsəydik bir neçə nəfər həbs olunmalı idi. Mən o insanların həbs olunmasını
istəmirəm. Ancaq ətrafımda olan insalar təhqir olunub. O insanlar məhkəməyə
müraciət edib. Qısa zamanda Azərbaycanda maraqlı bir məhkəmənin şahidi
olacaqsınız. Bu proses həm əyləncəli həm də komik olacaq. O insan böyük zərbə
alacaq. Biz bu məsələnin arxasından çəkilməyəcəyik.
-Söhbət kimdən gedir?
-Söhbət
ziyalı cildinə girmiş bir şəxsdən gedir.