adalet.az header logo
  • Bakı 22°C
  • USD 1.7
31 Iyul 2015 14:57
10779
GÜNDƏM
A- A+

Kəmaləddin Heydərov Qaxda vətəndaşları qəbul edib

Fövqəladə hallar naziri, general-polkovnik Kəmaləddin Heydərov Qaxda vətəndaşların qəbulunu keçirib.

Adalet.az-ın məlumatına görə, nazir iyulun 31-də Qax şəhərində Heydər Əliyev Mərkəzində Balakən, Zaqatala, Qax, Şəki və Oğuz rayonlarının sakinlərini, habelə həmin şəhər və rayonlarda müvəqqəti məskunlaşan məcburi köçkünləri qəbul edərək, onların müraciətlərini dinləyib.
 
Nazirliyin müvafiq strukturlarının rəhbərlərinin, rayonların Fövqəladə Hallar komissiyaları sədrlərinin iştirakı ilə keçirilən qəbulda müraciətlərin əksəriyyəti işə qəbul, qəzalı vəziyyətdəki evlərin təmiri və digər məsələlərlə bağlı olub.
 
Vətəndaşların müraciətlərinin bir qismi yerində həllini tapıb.
 
Nazir vətəndaşların qaldırdıqları məsələlərin qanunauyğun və operativ həll edilməsi üçün əlaqədar qurumların rəhbərlərinə müvafiq göstərişlər verib.